C'l artìcul chè 'l è scrit in
Miranduléś |
![]() | ||
Rabid sete di sangue | ||
![]() La Marilyn Chambers in mèś a 'l rusc in na figùra dal film | ||
Rabid sē ad sangṿ 1977 | ||
---|---|---|
Regìa: David Cronenberg | ||
Scritōr: David Cronenberg | ||
Atōr: Marilyn Chambers • Frank Moore • Joe Silver Patricia Cage • Susan Roman • Roger Periard | ||
Müsica: Ivan Reitman | ||
Léngua: Ingléś | ||
Dürä dal film: 90 minüt | ||
Nasiōṅ: Cànada |
Rabid sete di sangue (Rabid sē ad sangṿ) 'l è 'n film ad scarésa dal 1977 ad David Cronenberg.
Par la part dla prutagunìsta, Cronenberg 'l arév vlû tōr la Sissy Spacek ma i prudutōr i n éran minga 'd acòrd sèg par via dal sò acènt. Al sò pòst 'l è stâ pò dâ a l'atōra pòran Marilyn Chambers, cgnusùda p'r al sò film a luś rósi Dietro la porta verde (Da drē da 'l us vérd).
La Rose (Marilyn Chambers), dòp avér patî 'n incidènt in mòta cun al sò muróś Murray (Frank Moore), la vèṅ purtàda in fiṅ 'd vita in 'n uśdàl lè davśèṅ. Chè a gh lavóra al Dutōr Keloid (Howard Rysphan), òṅ specialiśâ in di trapiànt ad pèla tòlta via da di cadàvar. Vdénd che la puvréta la gh'l'à bruśàda dapartùt, al decìd ad pruvàr na sò tècnica nóva e la gh la mét adòs.
Quànd chi lē la s darséd da 'l còma, l'è difarénta da qvél ch'l'éra, minga in dla belésa, esénd turnàda cuma prima, ma in dal cumpurtamènt parchè par vìvar l'è custréta a ciuciàr al sangṿ umàṅ e la 'l fà par mèś 'd un pès ad carna ch'la gh vèṅ fóra da na laséna.
La Rose la taca a murśgàr la gint ch'la gh s para davànti: un pasiènt dla clìnica, un cuntadèṅ ch'l éra drē a dar-ag fastìdi, un camiunìsta, un tisi spurcaciòṅ in un cìnema a luś rósi. In cla manéra lè al mâl al sa stramna dapartùt, cun al vitmi ch'i dvèntan di zombie rabî cun la ràbbia adòs e la bava a la bóca.
Dòp avér cuntagiâ anc al Dutōr Keloid, la Rose la dmanda ajùt a Murray.
© MMXXIII Rich X Search. We shall prevail. All rights reserved. Rich X Search